शहरी विकासमन्त्री रामकुमारी झाँक्रीले बस्ने घर र शहर सुरक्षित र बस्नलायक हुनुपर्ने बताएका छन् ।

सोमवार पुल्चोक इन्जिनीयरिङ क्याम्पसले आयोजना गरेको रेट्रोफिटिङ परिक्षण कार्यक्रममा बोल्दै मन्त्री झाँक्रीले यस्तो बताइन् ।

मन्त्री झाँक्रीले नेपाल प्राकृतिक प्रकोप भूकम्प, बाढीपहिरो जस्ता समस्याले जोखिममा रहेको बताइन् । उनले अहिले पनि नेपालको जनसख्याको ठूलो हिंसा भूकम्प जस्ता प्राकृतिक प्रकोपको जोखिम स्थानमा बसोबास गरिरहेको बताइन् ।

शिक्षालयले जोखिम न्यूनीकरण गराउने जागरण ल्याउने गरी काम गर्न सके प्राकृतिक विपत्तिबाट हुने क्षतिलाई कम गर्न सकिने बताइन् ।

मन्त्री झाँक्रीले भनिन्, ‘हरेक मानिसहरू बस्ने घर तथा शहर बस्न लायक र सुरक्षित हुनुपर्छ । त्यसको लागि हामी विभिन्न अध्ययनमार्फत भूकम्पबाट जोखिममा परेका मात्रै नभएर सम्भावित जोखिमलाई समेत प्राथमिकता दिएर घर जोगाउने प्रयास जनता र सरकार दुवैले गर्नुपर्छ । जुन पुल्चोक क्याम्पसले गरेको अध्ययनमार्फत गरेको जागरण महत्त्वपूर्ण छ । अध्ययनबाट मात्रै प्राकृतिक प्रकोपबाट सुरक्षित हुन सकिन्छ । त्यसका लागि जोखिममा घर भएका जनतालाई सरकारले भूकम्प प्रतिरोधक सुरक्षित घर बनाई दिने कार्य अगाडि बढाएको छ ।’