०३ असार २०८३, बुधबार
अहिले बिहेको साइत चलिरहेको छ ।
यस्तो बेलामा घरहरूमा विवाहको निम्तो गरिने कार्डको थुप्रो लाग्छ । त्यस्ता कार्डलाई पछि डस्टबिनमा फालिन्छ ।
तर केही मानिसले कार्डलाई पनि स्मरणीय बनाइरहेका हुन्छन् ।
भारतको गुजरातमा एक व्यक्तिले छपाएको निमन्त्रण कार्डमा एउटा सानो चरा नै बस्न सक्छ ।
शिवभाई रावजीभाई गोहिल नामक ती व्यक्तिले आफ्नो छोराको बिहेमा अनौठो र स्मरणीय कार्ड बनाएका हुन् । यो कार्ड पाउनेले त्यत्तिकै फाल्दैन, बरू चरा बस्ने गुँड बनाइदिन्छ ।
यस्तो अद्भुत आइडिया छोरो जयेशले दिएको शिवभाई बताउँछन् ।
प्रकृतिप्रेमी भएकाले यस परिवारले चराको गुँडका रूपमा कार्ड बनाउने आइडिया फुराएको हो ।
यसअघि भारतमै कानूनी नोटिस जस्तो खालको विवाहको निमन्त्रण कार्डको तस्वीर भाइरल भएको थियो ।
