१७ असार २०८३, बुधबार
सशस्त्र प्रहरी महानिरीक्षक शैलेन्द्र खनालले प्राप्त जिम्मेवारीलाई त्रुटिरहित र उत्कृष्ट ढंगले पूरा गर्नको लागि स्रोतसाधनसहित सरोकारवाला सबैसँग निरन्तर समन्वय र सहकार्यका साथ कार्य गर्न निर्देशन दिएका छन् ।
सशस्त्र प्रहरी बल नम्बर ६ गण सप्तरीको नवनिर्मित भवनको आइतवार उद्घाटन गर्दै उनले यस्तो बताएका हुन् ।
सुरक्षा इकाईहरूले न्यून जनशक्ति र सीमित स्रोतसाधनका बाबजुद पनि उत्कृष्ट कार्य गरेको भन्दै उनले आगामी दिनमा समेत राज्यले दिएको जिम्मेवारीलाई त्रुटिरहित ढंगले अनुशासित र जिम्मेवारीका साथ पूरा गर्न निर्देशन दिए ।
सशस्त्र प्रहरी बलप्रति आमजनताले गरेको भरोसालाई कायम राख्दै आगामी दिनमा राष्ट्र र संगठनप्रति इमानदार, नैतिकवान,अनुशासित र उच्च समर्पणका साथ कार्य क्षेत्रमा खटिन समेत उनले निर्देशन दिए ।
आइतवार नै महानिरीक्षक खनालले सोही जिल्लाको शम्भुनाथ नगरपालिका-११ मा स्थापना भएको नेपाल एपीएफ ठाकोदेबी जोगेन्द्र भगत स्कुलको समेत उद्घाटन गरे ।
एपीएफ स्कुललाई क्षेत्रीयरुपमा विस्तार गर्दै लैजाने क्रममा यसअघि प्रदेश नं. ५ स्थित कोहलपुर बाँकेमा नेपाल एपीएफ स्कुल सञ्चालनमा आइसकेको छ ।
