मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मंसिर २०, २०७८
नेपाली कांग्रेसको १४ औँ महाधिवेशनअन्तर्गत प्रदेश १ समितिको सभापतिमा गुरुराज घिमिरे झिनो मतान्तरले पराजित भए । जितका लागि संस्थापन इतरसँग एक सय भन्दा बढी मत रहे पनि घिमिरेले हार व्यहोर्नु पर्यो । एकजना व्यक्तिका पछाडि सरकार लागेका कारण आफूले हार व्यहोरेको घिमिरेले प्रतिक्रिया जनाएका छन् ।
प्रधानमन्त्रीसमेत रहेका पार्टी सभापति शेरबहादुर देउवाप्रति लक्षित गर्दै घिमिरेले एउटा व्यक्तिलाई चुनाव हराउन केन्द्रदेखि नेताहरू पठाएर घेराबन्दी गरिएको आरोप लगाए ।
सञ्चार तथा सूचना प्रविधिमन्त्री ज्ञानेन्द्रबहादुर कार्की प्रदेश अधिवेशनलाई लक्षित गरेर सशस्त्र प्रहरी बल पूर्वी मुख्यालय इटहरीमा आएर विभिन्न चलखेल गरेको संस्थापन इतर समूहका एक नेताले बताए ।
प्रदेश सभापतिमा पराजित भए पनि केन्द्रीय महाधिवेशनमा असर नपार्ने घिमिरेले बताए । घिमिरेले संस्थापन इतर समूहबाट साझा उम्मेदवार बनाएर महाधिवेशनमा जानुपर्ने बताउँदै आएका छन् ।
नैतिकताका आधारमा आफू केन्द्रीय महाधिवेशनमा नउठ्ने उनले उल्लेख गरे । पुनः मतगणना हुँदा जित्ने आधार भएको घिमिरेको भनाइ छ । ‘१५० मत गन्दा मात्रै २ मत फरक भनिएकोले शंका उत्पन्न भएको छ,’ उनले भनेका छन् ।
शुरूआती चरणमा अग्रता लिएका घिमिरेले अन्तिममा २ मतले पराजित भएका थिए । मत परिणाम चित्त नबुझेको भन्दै उनले पुनः मतगणनाको माग गर्दै निवेदन दर्ता गरेका छन् ।
आफ्नै लाइनका केन्द्रीय तहका नेताले मतदान नगरेको, संस्थापन इतरले उमेदवारहरुलाई मिलाएर लैजान नसकेका कारणले समेत चुनावमा हार व्यहोर्नु परेको जस्ता कुरा उठेका छन् ।
घिमिरे पराजयका तीन कारण
नेपाल विद्यार्थी संघको अध्यक्ष रहेको समयमा गणतन्त्रको नारा लगाएर चर्चामा आएका घिमिरे केन्द्रमै स्थापित नेता हुन् । १४ औं महाधिवेशनमा सहमहामन्त्रीका दाबेदारको रुपमा हेरिएका घिमिरे संस्थापन इतर समूह (रामचन्द्र पौडेल र डा. शेखर कोइराला)को आग्रहमा प्रदेश सभापतिको उम्मेदवार बनेका थिए । घिमिरे प्रदेश सभापति बन्दा प्रदेश १ मा कांग्रेसलाई बलियो बनाउन सकिने पौडेल कोइरालाको निष्कर्ष थियो ।
आइतवार बिहान अन्तिम नतिजा आउन्जेलसम्म पनि गुरुले जित्नेमा कांग्रेसका प्रायः नेता ढुक्क जस्तै देखिन्थे । शनिवार भएको मतदानमा घिमिरेले ८४२ ल्याउँदा उद्धव थापाले ८४४ मत पाएर विजयी भए । थापा २ मतले विजयी भएको घोषणा निर्वाचन समितिले बिहान साढे ३ बजे गरेको थियो ।
झिनो मत अन्तरले घिमिरेले पराजय भोगेपछि प्रदेश १ को विषयलाई लिएर कांग्रेसभित्र चर्चासमेत चलेको छ । घिमिरले हार व्यहोर्नुको मुख्य तीन कारण रहेको कांग्रेसका स्थानीय नेताहरूले बताएका छन् ।
केही केन्द्रीय नेताहरूले मतदान नगर्नु पहिलो कारण भएको कांग्रेसका एक नेताको भनाइ छ । पार्टीको विधानमा रहेको ‘कन्फ्युजन’का कारण गुरुराजलाई जिताउन विराटनगरमा खटिएका नेताहरूले नै मतदान गरेनन् । मतदान नगर्ने नेताहरूले यसबारे आफ्नो धारणा राखिसकेका छन्, यो प्राविधिक विषय भयो ।
प्रदेश १ सभामा कांग्रेस संसदीय दलका नेता राजीव कोइरालाले खुलेर घिमेरलाई सहयोग नगर्नु अर्को कारण रहेको मोरङ कांग्रेसका एक नेताले लोकान्तरलाई बताए । कोइराला आफैं प्रदेश सभापतिका आकांक्षी थिए । यस्तै प्रदेश १ कै आन्तरिक मामिला तथा कानूूनमन्त्री केदार कार्की मौन बस्नुले पनि घिमिरेको पराजयको कारण बनेको स्थानीय नेताहरूको बुझाइ छ ।
यसै गरी मोरङको उर्लाबारी नगरपालिकाका मेयर खड्ग फागोलाई मिलाउन नसक्दा घिमिरेले पराजय भोग्नु परेको स्थानीय नेताहरूको विश्लेषण छ । नेपाली कांग्रेस मोरङका जिल्ला सभापति डिकबहादुर लिम्बु र फागोबीचको अन्तरसंघर्षका कारण समेत घिमिरेले पराजय भोग्नु परेको विश्लेषण गरिएको छ ।
कृष्णप्रसाद सिटौला समूहका फागो जिल्ला अधिवेशनका बेला इतर समूहका नजिक थिए । उनलाई प्रदेशमा स्थान दिने आश्वासन दिइएको थियो । तर, संस्थापनइतर समूहले उनलाई टिकट नदिएपछि उनी पुनः सिटौला समूहमै फर्केका थिए ।
आदिवासी जनजाति समुदायका फागोले संस्थापनइतर समूहका भोट समेत बिगारेका थिए । उनले सर्वाधिक मत एक हजार २६ ल्याएका थिए ।
प्रदेश सभापतिमा पराजित घिमिरेले पराजयको कारण खोजेर प्रदेशकै राजनीतिमा सक्रिय हुने बताएका छन् ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...