कांग्रेस केन्द्रीय सदस्यका लागि शनिवार उम्मेदवारी मनोनयन गराएका २७ जनाले उम्मेदवारी फिर्ता लिएका छन् । 

उम्मेदवारी फिर्ताका लागि निर्वाचन समितिले तोकेको दिन आइतवार २७ जनाले उम्मेदवारी फिर्ता लिएका हुन् । 

जंगीलाल राय, संजयकुमार यादव, गोविन्दराज बोहरा, दलित कोटामा उम्मेदवारी दिएका मीन विश्वकर्मा, मधेसी कोटाबाट सीताराम महतो, जनजातिका युवराज गुरुङ, खस आर्यका दीपक अधिकारीलगायतले उम्मेदवारी फिर्ता लिएका हुन् । 

यस्तै महिलातर्फकी इन्दीरा थापा, शकुन्तला शर्मा, मीनाकुमारी थापा, खुलातर्फका भक्तबहादुर बलायर, विष्णु पौडेल, जनजाति महिलातर्फकी माया राना, अनु गुरुङ, दलिततर्फका गोपिलाल विश्वकर्मालगायतले उम्मेदवारी फिर्ता लिएका हुन् । 

संगीता मण्डल, सीता पौडेल, उमेश बस्नेत, माधव आचार्य लगायतले उम्मेदवारी फिर्ता लिएका छन् । केहीले उम्मेदवारी फिर्ता लिँदा प्रदेश २ बाट आनन्द ढुंगाना र रमेश रिजाल केन्द्रीय सदस्यमा निर्विरोध बनेका छन् ।