नेपाली कांग्रेसको १४ औं महाधिवेशनबाट बन्ने केन्द्रीय समितिका लागि वासना थापाले महिलातर्फको खुल्ला सदस्यमा उम्मेदवारी दिएकी छिन् ।

डा.शेखर कोइराला–गगन थापा प्यानलबाट केन्द्रीय सदस्यमा उम्मेदवारी दिएकी थापाले प्रचार प्रसार तीब्र बनाएकी छिन् । 

‘मेरो राजनीतिक संस्कार, लोकतान्त्रिक विधि र अनुशासित व्यवहार’ भन्ने नारा थापाले अघि सारेकी छिन । २०७४ सालमा भएको स्थानीयतह निर्वाचनमा थापा दैलेखको नारायण नगरपालिकाको उपमेयमा प्रतिष्पर्धा गरेकी थिइन । दैलेखका स्थानीय माझ उनी एक समाजसेवीको रुपमा परिचित छिन् ।

कांग्रेसको १३ औं महाधिवेशनमा समेत प्रतिनिधि रहेकी थापा कर्णाली प्रदेशमा कांग्रेसको संगठन सुदृढ बनाउन उम्मेदवारी दिएको बताउछिन् । राजनीतिमार्फत महिला अधिकार सुनिश्चित गर्ने र महिलाहरुको शशक्तिकरण गर्ने आफ्नो एजेण्डा रहेको उनी बताउछिन् । 

राजधानीमा जारी कांग्रेसको महाधिवेशन अन्तरगत कांग्रेसको नयाँ नेतृत्व चयनका लागि सोमवार मतदान हुँदैछ ।