१० साउन २०८३, आइतबार
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले औद्योगिक क्षेत्रमा लगाउनुपर्ने पुँजीको लगानी पुँजी बजारमा हुनु साम्राज्यवादको विकसित रुप भएको बताएसँगै उनको आलोचना शुरू भएको छ ।
लगानीकर्ता तथा अन्य क्षेत्रका व्यक्तिहरूले समेत प्रचण्डको अभिव्यक्ति गलत भएको भन्दै उनको आलोचना गरेका छन् ।
शनिवार माओवादी केन्द्रको सबै प्रदेशको प्रदेश सम्मेलनलाई काठमाडौंबाट एकैसाथ उद्घाटन गर्दै अध्यक्ष दाहालले पछिल्लो समय पुँजीको लगानी उद्योग र उत्पादनका क्षेत्रमा हुन छाडेर पुँजी बजारमा लगानी हुनु साम्राज्यवादको विकसित रुप भएको बताएका थिए ।
यसै बीचमा चर्चित हास्य कलाकार दीपक राज गिरीले सामाजिक सञ्जाल फेसबूकमा स्टाटस लेख्दै प्रचण्डको भनाइप्रति आपत्ति जनाएका छन् ।
उनले लेखेका छन्, 'तपाईले भने जस्तै कतिपयले कलकारखाना पनि नखोल्या हो र कमरेड ? तर अनावश्यक रूपमा तपाईंहरू ले युनियनहरू गठन गरेर हडताल गराइ गराइ साहुजीहरूकै बाह्र बजाएर उठीबास नै लगाइयो नि होइन र ?'
