२९ असार २०८३, सोमबार
नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाली कांग्रेसको सभापतिमा पुनः निर्वाचित भएकोमा प्रधानमन्त्री शेरबहादुर देउवालाई बधाई दिएका छन् ।
शुक्रवार प्रधानमन्त्री निवास बालुवाटार पुगेर प्रचण्डले देउवालाई बधाई दिएका हुन् ।
टेलिफोनबाट यसअघि नै बधाई दिएका प्रचण्डले शुक्रवार भेटेरै बधाई दिएको बालुवाटार स्रोतले जानकारी दियो । कांग्रेसको १४ औं महाधिवेशनबाट देउवा सभापति निर्वाचित भएका थिए ।
भेटका अवसरमा समसामयिक घटनाक्रम, सरकारका काम कारवाही, संसद सुचारु गराउने तथा राजदूत लगायत केही नियुक्तिको विषयमा समेत छलफल भएको बालुवाटार स्रोतले जानकारी दिएको छ ।
