३० जेठ २०८३, शनिबार
काठमाडौंको बानेश्वरस्थित इन्द्रेणी कम्प्लेक्सको छैठौं तलामा रहेको ‘फिटनेश एण्ड स्पा सेन्टर’मा सोमवार आगलागी भएको छ ।
आगलागीबाट ३ करोड ५० लाख रुपैयाँभन्दा बढीको क्षति भएको छ ।
महानगरीय प्रहरी परिसर काठमाडौंका प्रहरी उपरीक्षक दिनेशराज मैनालीका अनुसार इन्भर्टरबाट विद्युत सर्ट भएर आगलागी भएको प्रारम्भिक जानकारी आएको र आगो नियन्त्रणमा आइसकेको छ ।
आगलागीबाट मानवीय क्षति भने भएको छैन ।
आगो निभाउन काठमाडौं, ललितपुर र भक्तपुरका ५ दमकलको प्रयोग गरिएको प्रहरीले जनाएको छ ।
