२३ जेठ २०८३, शनिबार
वरिष्ठ प्रसूति तथा स्त्रीरोग एवम् टेस्टट्युब बेबी विशेषज्ञ डा. नूतन शर्माले नर्भिक इन्टरनेशनल हस्पिटलमा पूर्णकालीन सेवा शुरू गरेकी छन् ।
डा. शर्मा करीब १५ वर्षदेखि ललितपुरको जावलाखेलस्थित अल्का अस्पतालमा कार्यरत थिइन् ।
अल्का अस्पतालमा आफ्नै फर्टिलिटी सेन्टरसमेत सञ्चालन गर्दै आएकी उनले मंसिर १ गतेदेखि अल्का अस्पतालसँगको सहकार्य अन्त्य गर्दै नर्भिकमा पूर्ण रुपमा सेवा शुरू गरेकी हुन् ।
काठमाडौंैको थापाथलीस्थित नर्भिक अस्पतालमा सञ्चालनमा आएको नर्भिक आईभीएफ सेन्टरमार्फत डा. शर्माले स्त्री रोग तथा बाँझोपनसम्बन्धी समस्या भएका बिरामीको उपचार सेवा शुरू गरेको जानकारी दिइन् । अल्काको आईभीएफ सेन्टरसमेत डा. शर्माले नै शुरू गरेकी थिइन् ।
स्त्री रोग तथा बाँझोपनसम्बन्धी समस्या भएका बिरामीलाई आधुनिक सुविधासहित थप उच्चस्तरीय सेवा प्रदान गर्ने उद्देश्यले नर्भिक अन्तराष्ट्रिय अस्पतालमा आबद्ध भएको डा. शर्माले बताइन् ।
अल्कामा करीब १५ वर्षभन्दा बढी समय बिरामीको सेवा गरेकी शर्माले प्रसूति तथा स्त्री रोगका साथै बाँझोपनसम्बन्धी समस्या भएका बिरामीलाई नर्भिक हस्पिटलबाट अझै परिस्कृत एवं उच्चस्तरीय सेवा दिने बताइन् ।
नर्भिक आईभीएफ सेन्टरमा नेपालमै पहिलोपटक अन्तर्राष्ट्रियस्तरको मोडुलर ओटी र जेनेटिक ल्याबसहितको टेष्टट्युब बेबी सेवा सञ्चालन भएकाले बिरामीले तुलनात्मक रुपमा थप उच्चस्तरीय सेवा पाउने डा. शर्माको भनाइ छ ।
