२६ जेठ २०८३, मंगलबार
सन् १९७३ मा लक्ष्मी मिठाई भण्डारमा मिठाई उत्पादनबाट व्यवसायिक यात्रा शुरू गरेको लक्ष्मी ग्रुपले आफ्नो ४८ औ स्थापना दिवस मनाएको छ ।
लक्ष्मी ग्रुपले हरेक वर्ष पुस ५ गते आफ्नो स्थापना दिवस मनाउने गरेको छ । लक्ष्मी ग्रुप नेपालमा विश्वशिलो, स्थापित र व्यबस्थापित कम्पनीको रुपमा सेवा, रोजगारि प्रदान गरिरहेको र ग्राहकहरुको माग पूर्ति गरिरहेको छ ।
आज लक्ष्मी ग्रुपले ४८ वर्ष पुरा गरिरहँदा कन्फेक्शनरी, डेरी, प्लास्टिक, अटोमोबाइल्स, इलेक्ट्रोनिक्स, स्टील्स अनि अन्य थुप्रै छेत्रमा लगानी गरिरहेको छ र भविष्यमा अन्य थुप्रै छेत्रमा लगानी गर्ने तयारीमा रहेको छ ।
सोमवार ४८ औं कर्पोरेट एन्ड थ्यांक्स गिभिङ डेमा लक्ष्मी ग्रुप अन्तर्गतको सम्पूर्ण कम्पनीहरुबाट कर्मचारीहरुको उपस्थिति रहेको थियो ।
उक्त कार्यक्रमको उद्घाटन र स्वागत मन्तव्य प्रस्तुत लक्ष्मी ग्रुपका चेयरम्यान गणेश बहादुर श्रेष्ठले गरेका थिए ।
उक्त कार्यक्रममा लक्ष्मी ग्रुपमा ५ देखि ४० वर्ष बिताएका कर्मचारीहरुलाई सम्मान पनि गरिएको थियो र खेलकुद सप्ताहमा बिजेता भएको खेलाडीहरुलाई सम्मान पनि गरिएको थियो ।
ग्रुपले हरेक वर्ष पुष ५ लाई मध्यनजर गरेर समाजप्रति उत्तरदायी भएर विभिन्न सामाजिक कार्यहरु पनि गरेको छ ।
ग्रुपले पुष ५ गते रक्तदान कार्यक्रम कार्यालयको आफ्नै आँगनमा भव्य तरिकाले संचालन गरेका थियो जसमा ६५ जना रक्तदाताहरूले आफ्नो अमूल्य रगत दिएर आफ्नो समाज प्रतिको जिम्मेवारी वहन गरेका थिए ।
यसैगरी लक्ष्मी ग्रुपले व्यवसायको सामाजिक उत्तरदायित्व अन्तर्गत भद्रकाली मन्दिर सरसफाई, मानव सेवा आश्रममा खाद्यान्न सामग्री,टोपी र मस्क वितरण, चिल्ड्रेन प्रोटेक्सन होम, सिफल र फ्युचर होप नेपाल, गोठाटारमा र पवित्र समाज सेवामा मिठाई, गिफ्ट, मास्क र स्टेशनरी समान वितरण गरेको थियो ।
यसैगरी सेरेब्रल पल्सीमा मिठाई, स्टेशनरी, डाईपर, मस्क, स्यानिटाइजर गरि ४२ वटा सामाग्रीहरु वितरण गरेको थियो ।
सो कार्यक्रममा बोल्दै लक्ष्मी ग्रुपका कार्यकारी निर्देशकले 'लक्ष्मी एकेडेमी' को पनि उद्घाटन गरेका थिए र आगामी योजनाहरुको बारेमा पनि विस्तृत रुपमा जानकारी दिएका थिए।
