११ साउन २०८३, सोमबार
आफूले उमेरका कारण कैद सजाय मिनाहा हुनुपर्ने मागसहित चार्ल्स शोभराजले दायर गरेको बन्दी प्रत्यक्षीकरणको मुद्दामा बिहीवार सर्वोच्च अदालतमा सुनुवाइ भएको छ ।
शोभराजका तर्फबाट दायर मुद्दा न्यायाधीश अनिलकुमार सिन्हाको इजलासमा सुनुवाइ भएको हो ।
कारागार नियमावलीमा ७० वर्ष उमेर नाघेका र असल आचरण भएका नेपाली नागरिकलाई ७५ प्रतिशतसम्म कैद मिनाहा गरी रिहा गर्न सकिने उल्लेख छ ।
विदेशी नागरिकको हकमा नियमावली नबोले पनि त्यही सुविधाको माग गर्दै शोभराज सर्वोच्च अदालत पुगेका हुन् ।
फ्रान्सेली सिरियल किलर शोभराज सन् २००३ देखि नेपालमा जेल जीवन बताइरहेका छन् । उनीमाथि नेपालमा २ विदेशी नागरिकको हत्या गरेको अभियोग छ ।
