२३ असार २०८३, मंगलबार
भारतले २४ घन्टामा दोस्रोपटक बिहीवार जमीनबाट जमीनमा मार हान्ने प्रलय ब्यालिस्टिक क्षेप्यास्त्रको सफल परीक्षण गरेको छ ।
यस क्षेप्यास्त्रले १५० देखि ५०० किलोमिटरसम्मको लक्ष्यलाई भेदन गर्न सक्छ । सरकारी अधिकारीहरूका अनुसार, यो परीक्षण विभिन्न रेन्ज र सबै प्यारामिटरमा मिसाइल राख्नका लागि गरिएको हो ।
आकाशमै बाटो बदल्न सक्ने विशेषता पनि क्षेप्यास्त्रमा छ ।
बुधवार पनि यो क्षेप्यास्त्र परीक्षण गरिएको थियो ।
यसलाई भारतकै डिफेन्स रिसर्च यान्ड डिभेलोपमेन्ट अर्गनाइजेसन (डीआरडीओ) ले बनाएको हो । यसले ५०० देखि एक हजार किलोको वारहेड लैजान सक्छ ।
प्रलय क्षेप्यास्त्र ठोस रकेट मोटर र अन्य नयाँ प्रविधियुक्त छ । क्षेप्यास्त्रको निर्देशक प्रणालीमा अत्याधुनिक विद्युतीय उपकरण जडान गरिएको छ ।
स्वदेशी प्रलय मिसाइलले पहिलो परीक्षणका क्रममा क्वाजी ब्यालिस्टिक ट्राजेक्टोरीमा सबै मिसन एल्दोरिदमलाई फलो गरेको थियो । मिसाइलले टार्गेटमा आक्रमण गर्दा सबै सेन्सर र ट्य्राकरले परीक्षणलाई क्याप्चर गरेका थिए ।
Indigenously developed new surface-to-surface conventional ballistic missile ‘Pralay’ successfully flight tested from Dr APJ Abdul Kalam Island today. #NewTechnologies#AmritMahotsavhttps://t.co/kGgX3RMJ4k pic.twitter.com/cz1qm6OBdy
— DRDO (@DRDO_India) December 22, 2021
