पछिल्लो समय बढ्दो तौल सबैको समस्या हो । 

प्राय मानिसहरू युवा अवस्थादेखि नै मोटोपनको शिकार बन्दै गइरहेका छन् । 

तर बाल्यकालमै मोटोपनको शिकार हुनु पनि समस्याका रुपमा देखा परेका छन् । 

इन्डोनेशियामा एक बालकले अत्याधिक मोटोपनको समस्या भोगिरहेका छन् । 

त्यहाँको पश्चिम चाभाको एक गाउँमा एक बालक बस्छन् । ती बालक ९ वर्षको उमेरमा १२७ किलोको थिए । 

आर्य परमाना नामका ती बच्चा अहिले १४ वर्षको उमेरमा अविश्वसनीय ३० को लिस्टमा १३ औं स्थानमा परेका छन् ।

यस्तै ११ वर्षको उमेरमा यी बालकको तौल १ सय ९१ किलो थियो । त्यतिखेर पनि उनले रेकर्ड नै बनाएका थिए ।

अहिले उनको तौल ८२ किलो छ ।

द सनको एक रिपोर्टका अनुसार ती बच्चा केही वर्ष पहिले झनै मोटो थिए । 

उनले वाथरुम प्रयोग गर्न सक्दैनथे । नुवाउनका लागि अन्य खोला वा तालको प्रयोग गर्नुपर्दथ्यो  ।