विराटनगरको रानी नाका हुँदै भारतबाट नेपाल प्रवेश गर्ने नागरिकमा कोरोना संक्रमण देखिन थालेका छ ।

बुधवार दुई भारतीय नागरिकमा कोरोना भाइरसको पुष्टि भएको रानी नाकामा राखिएको हेल्थ डेस्कले जनाएको छ ।

विराटनगर महानगरपालिकाले सीमानाका रानी हुँदै भारतबाट नेपाल प्रवेश गर्नेको कोरोना परीक्षण गर्दै आएको छ ।

रानी हेल्थ डेस्कका हेल्थ असिस्टेन्ट सुरेन्द्र यादवले  भारतबाट नेपाल आउने दुई जना भारतीयमा कोरोना संक्रमण देखिएको बताए ।

अग्रेजि नयाँ वर्ष मनाउन भेडेटार हिडेका एक युवा र अर्को एक जना बच्चामा गरीएको  एन्टिजेन परिक्षण कोरोना पुष्टि भएको हो ।

कोरोना भएका दुवै जनालाई भारत तर्फनै पठाएको मोरङ जिल्लाका प्रमुख जिल्ला अधिकारी काशिराज दाहालले बताए । नाकामा भारत तर्फका नागरिकमा पोजेटिभ देखिए भारत सरकार सँग समन्बय गरेर पठाउने र नेपालीमा देखिए परिवारको जिम्मा लगाउने उनले बताए । 

रानी नाकामा पुगेका प्रदेश १ का आन्तरीक मामिला तथा कानुनमन्त्री केदार कार्कीले स्वास्थ्यकर्मीलाई हौसला दिए भने प्रमुख जिल्ला अधिकारीलाई प्रदेश १ का नाकाहरु कडाई गर्न निर्देशन दिएका छन् ।

उनले हेल्थ डेस्कमा बस्ने स्वास्थ्यकर्मीहरुलाई  कुनै समस्या भए भन्नुहोस तर परिक्षण नगराई कसैलाई आवत जावत गर्न नदिन भन्दै निर्देशन दिएका थिए ।