बेलायती जलसेनाको युद्धपोत रुसको घातक पनडुब्बीसँग आन्ध्र महासागरको उत्तरी भागमा ठोकिएको छ । शतियुद्धपछि पहिलोपटक रुस र बेलायतका जहाजहरू ठोकिएका हुन् । 

रुसी पनडुब्बी स्कटल्यान्डभन्दा २०० माइल उत्तरतर्फ पानीमुनि तैरिरहेको बेलामा बेलायतको एचएमएस नर्थम्बरल्यान्ड त्यसलाई खोज्दै पुगेको थियो । उक्त पनडुब्बीले इन्टरनेट प्रवाह गर्ने समुद्रमुनिको तार काटिदिने आशंका गर्दै बेलायती जहाज पठाइएको थियो ।

उक्त जहाजमा ध्वनि सुन्ने यन्त्र पनि जडान गरिएको थियो । पनडुब्बीको गतिविधिबाट आउने ध्वनि त्यसले सुन्ने अपेक्षा थियो । 

बेलायती जहाजमुनि रुसी पनडुब्बी आइपुगेको थियो । पनडुब्बी ठोकिएपछि बेलायती जहाजको ध्वनि यन्त्रमा क्षति पुगेको थियो र बेलायती क्रुले मिसन त्यागेर मर्मतका लागि जलसेना अड्डामा फर्किनुपरेको थियो । 

रुसी पनडुब्बी जानीजानी भन्दा पनि दुर्घटनावश ठोकिएको विश्वास गरिएको छ ।