राष्ट्रिय प्रजातन्त्र पार्टी (राप्रपा) का निवर्तमान अध्यक्ष कमल थापाले राष्ट्रनिर्माता अघि शिर झुकाउँदा गौरवको अनुभूति हुने बताएका छन् । 

‘राष्ट्रनिर्माताको सामुन्ने शिर झुकाउँदा गौरवको अनुभूति हुन्छ, ३०० औं जन्म जयन्तीको अवसरमा आज सिंहदरबार स्थित राष्ट्रनिर्माताको शालिकमा पुष्पगुच्छा अर्पण गरी श्रद्धाञ्जली व्यक्त गरेँ,’ उनले ट्वीटरमा लेखेका छन्, ‘श्री ५ बडामहाराजाधिराज पृथ्वीनारायण शाह अमर रहुन् ।’

थापाले पृथ्वीजयन्तीको अवसरमा मंगलवार सिंहदरवारस्थित पृथ्वीनारायण शाहको शालीकमा पुष्पगुच्छा अर्पण गरेका थिए ।  

यसअघि थापाले पृथ्वी जयन्तीको अवसर पारेर ‘राष्ट्रिय एकता अभियान’ शुरू गर्न लागेका थिए । तर, कोरोना संक्रमण बढ्दै गएको भन्दै अभियान स्थगित भएको थियो ।