काठमाडौं, १७ पुस– नेपाल टेलिकमले ‘फोर जी’ इन्टरनेट सेवा सुरुवात गरेको छ । काठमाडौंको होटल सोल्टीमा एक विशेष कार्यक्रम आयोजना गरेर टेलिकमले ‘फोरी जी’ सेवा सुरु गरेको हो ।
टेलिकमका अनुसार पोष्टपेड फोनमा मात्रै हाललाई ‘फोर जी’ चल्ने छ । प्रिपेड सीममा यो सुविधा जोडिएको छैन ।
फोर जी सेवा एक्टिभेट गर्नको लागि स्टार ४४४ ह्यास कल गर्नुपर्ने छ । तर ‘फोर जी’ चल्नको लागि मोवाइलको क्षमता भने हुनुपर्छ । हाललाई यो सेवाबाट काठमाडौं र पोखराका तीन लाख ५० हजार ग्राहक लाभान्वित हुने छन् ।
