०८ असार २०८३, सोमबार
साल्ट ट्रेडिङ कर्पोरेसन लिमिटेड मल बिक्री केन्द्र सल्यानका इन्चार्ज तत्कालीन जुनियर सहायक विजयकुमार पासवानविरुद्ध अख्तियार दुरुपयोग अनुसन्धान आयोगले बुधवार आरोपपत्र दायर गरेको छ ।
मलको रकम हिनामिना गरेको भन्दै अख्तियारले पासवानविरुद्ध १८ लाख ७६ हजार ६६४ रूपैयाँ बिगो कायम गर्दै विशेष अदालत काठमाडौंमा आरोपपत्र दायर गरेको हो ।
अख्तियारका अनुसार पासवानले मलको रकम साल्ट ट्रेडिङको आधिकारिक खातामा रकम दाखिला गर्नुपर्ने आफ्नो व्यक्तिगत खातामा रकम जम्मा गरेको पाइएपछि मुद्दा दायर गरिएको हो ।
