त्रिभुवन विश्वविद्यालयले कोरोना  सङ्क्रमित  भएका  परीक्षार्थीलाई  अलग  राखेर परीक्षा सञ्चालन गरेको छ । परीक्षा नियन्त्रण कार्यालयका अनुसार अहिले राजधानीका विभिन्न परीक्षा  केन्द्रबाट  १७  जना  कोरोना  सङ्क्रमितले  परीक्षा दिइरहेका छन् । परीक्षा नियन्त्रण कार्यालयले अहिले स्नातक तह चौथो वर्षको परीक्षा सञ्चालन गरिरहेको छ । परीक्षा नियन्त्रक पुष्पराज जोशीले परीक्षामा सम्मिलित हुन सङ्क्रमित विद्यार्थी पनि आएपछि अलग कोठामा राखेर परीक्षा दिने व्यवस्था गरिएको बताए । उनका  अनुसार  सबैभन्दा  धेरै  सङ्क्रमित  बानेश्वर क्याम्पसमा छन् । यस केन्द्रमा १० जना कोरोना सङ्क्रमितले परीक्षा दिइरहेका छन् । त्यस्ता परीक्षार्थीलाई  ठूलो  कोठामा  राखेर  परीक्षा  दिने  व्यवस्था गरिएको छ, गोरखापत्रमा खबर छ ।