कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
केपी ओली नेतृत्वको सरकारमा बनमन्त्री रहँदा आफ्नै अभिव्यक्ति र कार्यशैलीले आलोचनाका पात्र बनेका प्रेम आले शेरबहादुर देउवा नेतृत्वको सरकारमा भने त्यसको ठीक विपरित प्रशंसाका पात्र बनेका छन् । देउवा प्रधानमन्त्री बनेको ६ महिना बितिसक्दा उनी नेतृत्वको सरकारको ‘लाज’ सिङ्गै आलेले ढाकिदिएको भनेर टिकाटिप्पणी समेत हुने गरेको छ । हुन पनि परमादेशमार्फत सरकारको नेतृत्वमा आएको देउवा नेतृत्वको सरकारले उल्लेखनीय त्यस्तो काम नगरेको जनगुनासो छ । भारतले नेपाली भूभागमा सडक विस्तार गर्दासम्म दुई सातासम्म सरकार चुक्क बोलेन । आइतबारमात्रै सरकारका प्रवक्ताले सरकारको धारणा भन्दै लिपुलेक नेपालको हो भनेर बिना हस्ताक्षरको विज्ञप्ति जारी गरेका छन् । अझै पनि सरकारले भारतलाई ‘प्रोटेस्ट नोट’ पठाइएको जानकारीमा आएको छैन ।
प्रेम आलेले भने मन्त्री बनेसँगै आफू मातहतको निकायको कामलाई प्रभावकारी ढंगले सम्पादन गर्दै आएका छन् । उनले विमानस्थलमा देखिएको बेथितिलाई सुधारतर्फ लगेका छन् भने नारायणहिटी दरबार संग्राहलयभित्र बतास समूहले बनाउँदै गरेको रेस्टुरेन्ट निर्माणमा रोक लगाएका छन् । यस्तै सेटिङको आधारमा भएका ठेक्काहरु उनले रद्ध गराइदिएका छन् भने कोरोना महामारीका क्रममा चार्टर फ्लाइटमा भएको भनिएको अनियमितताबारे छानबिन गर्न समिति बनाएका छन् । यस्तै नेपाल एयरलाइन्समा सुधारको थालनी पनि उनीबाट भएको छ । जसअनुसार अनलाइन टिकेटिङ, एयरलाइन्सको नेतृत्वलाई अनावश्यक पारिमिक नदिने, एयरलाइन्सको बजार विस्तारलगायतमा उनले केही पहल थालेका छन् ।
यस्तै आफ्नो कार्यक्षेत्रभित्र रहेका बेथिति र अनियमिततालाई भत्काउँदै सुधारको पहल थाल्ने उनले घोषणा गरेका छन् । उनकै शब्दमा भन्ने हो भने ‘सेटिङ’लाई भत्काउने अभियानमा उनी देखिएका छन् । उनले आफूलाई केहीको लोभलालच नभएको भन्दै मन्त्रीको रुपमा रहँदासम्म इमान्दार भएर काम गर्ने पनि बताउँदै आएका छन् । यस्तै काम गर्दा जनस्तरमा आले चर्चाको पात्र बनेका छन् । सामाजिक सञ्जालदेखि चिया चौतारीसम्म उनको कार्यशैली प्रशंसनीय भएको भनेर टिकाटिप्पणी सुन्न पाइन्छ । स्वयम् प्रधानमन्त्री शेरबहादुर देउवाले समेत राम्रो काम गरेको भनेर आलेलाई धन्यवाद दिएका छन् ।
राजनीतिक दलका नेताहरुले जनअपेक्षाअनुसार काम नगरेको भनेर गुनासो आउने गरेका छन् । नेतृत्वमा रहनेहरूले कसरी काम गर्नुपर्छ र जनताले के चाहन्छन् भन्ने उदाहरण पनि हो, आलेको प्रशंशा । केही पहिले काँग्रेसको महाधिवेशनको उद्घाटनसत्रमा राप्रपाका अध्यक्ष राजेन्द्र लिङ्देनले जनताले नेताहरुलाई गाउँघरमा ‘चोर भन्छन्’ भन्ने अभिव्यक्ति दिएका थिए । भाषा जस्तो भएपनि लिङ्देनको संकेत नेताहरुले जनताको पक्षमा काम गर्नुपर्छ भन्ने नै थियो । स्मरण गर्नुपर्ने कुरा के हो भने आलेले तत्काल राम्रो काम गरेको भएपनि उनको परीक्षा हुन अझै धेरै बाँकी छ । उनले आगामी दिनमा कसरी कार्यसम्पादन गर्छन् त्यो हेर्नुपर्ने हुन्छ र विवादास्पद विगतको पनि समीक्षा अवस्य हुनुपर्छ । आलेको सक्रियतासम्बन्धी यही टिप्पणीसहित लोकान्तरको नियमित प्रस्तुति ‘लोकान्तर राउण्ड अप’मा पाठकलाई स्वागत छ ।
अब बितेका २४ घण्टाका समाचार संक्षेपमाः
यसैबीच पर्यटनमन्त्री प्रेम आलेले आइतबार पशुपतिनाथ क्षेत्र परिसरमा बनाइएको धर्मशालाको निरीक्षण गरे । उनले धर्मशालामा बनेको होटल देखेर आफू ‘सक’ भएको प्रतिक्रिया दिए । होटल बतास अर्गनाइजेशनले चलाइरहेको छ ।
००००
यता नेपाल पर्यटन बोर्डका सीईओ धनञ्जय रेग्मी सुन तस्करी प्रकरणमा मुछिएको पाइएको छ । पर्यटन मन्त्रालयले गरेको छानबिका क्रममा उनी एउटा पुरानो मुद्दामा दोषी ठहर भएको पाइएको हो । २०७४ साल पुस ७ गते कतार एयरलाइन्सको विमानमार्फत नेपाल आउँदा उनी सुनसहित पक्राउ परेको विमानस्थल भन्सार कार्यालयले मन्त्रालयलाई पठाइएको पत्रमा उल्लेख छ ।
कार्यालयले पुस ३० गते पठाएको पत्रमा कतार एयरलाइन्सको विमानबाट नेपाल आउँदा उनले बिस्कुट आकारको ३ थान सुन ल्याएको र त्यसमा ३० ग्राम अवैध भएपछि पक्राउ परेको उल्लेख गरिएको छ ।
सो प्रकरणमा त्रिभुवन विमानस्थल भन्सार कार्यालयले २०७४ पुस ७ गते मुद्दा दर्ता गरेको थियो । यस्तै अदालतले ०७७ भदौ २१ मा मुद्दा फैसला गर्दा कसुर ठहर भइ सुन जफतसहित १ लाख ४० हजार ६८५ रुपैयाँ जरिवाना भएको थियो । रेग्मीलाई मन्त्री आलेले हटाउन चाहेका छन् तर उनी सफल बनेका छैनन् ।
००००
कोभिड–१९ को नयाँ भेरियन्ट ओमिक्रोन सहित संक्रमणको तेस्रो लहर शुरू भएपछि सरकारले कोभिड–१९ महामारीको तेस्रो लहर रोकथाम तथा नियन्त्रणसम्बन्धी नयाँ आदेश, २०७८ जारी गरेको छ ।
सञ्चार तथा सूचना प्रविधिमन्त्री ज्ञानेन्द्रबहादुर कार्कीले कोभिड–१९ महामारीको तेस्रो लहर नेपालमा समेत बढ्दै गएकाले त्यसको रोकथाम तथा नियन्त्रण, निदान र उपचारका लागि आदेश जारी गरिएको बताएका छन् ।
००००
लिम्पियाधुरा, लिपुलेक र कालापानी क्षेत्रमा भारतले एकतर्फीरूपमा सडक बनाइरहेको सन्दर्भमा नेपाल सरकारले आफ्नो धारणा सार्वजनिक गरेको छ ।
सूचना तथा सञ्चार प्रविधि मन्त्री ज्ञानेन्द्रबहादुर कार्कीले आइतबार महाकाली नदी पूर्वका लिम्पियाधुरा, लिपुलेक र कालापानी नेपालको अभिन्न भूभाग भएको स्पष्ट गरेका हुन् ।
००००
पछिल्लो २४ घण्टामा चार हजार ९६१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ हजार १३१ नमूना परीक्षणमध्ये ४५३४ पीसीआर र ४२७ जनामा एन्टिजेन पोजिटिभ देखिएको हो । यस्तै पछिल्लो २४ घण्टामा संक्रमणबाट तीन जनाको मृत्यु भएको छ ।
००००
काठमाडौंबाट पोखरा उडेको गुण एयरलाइन्सको एक बीचक्राफ्ट जहाज सात मिनेटमै पुनः त्रिभुवन अन्तर्राष्ट्रिय विमानस्थल नै फर्किएको छ ।
आइतवार बिहान साढे १० बजे पोखरा उडेको यो जहाजमा साढे तीन मिनेटमै प्राविधिक समस्या देखिएको थियो ।
००००
सोमवार तय भएको प्रतिनिधि सभा बैठक स्थगित भएको छ । अब माघ १६ गते प्रतिनिधि सभा बैठक बस्ने संघीय संसद सचिवालयले जनाएको छ । यस्तै राष्ट्रियसभा बैठक पनि अनिश्चितकालका लागि स्थगित भएको छ ।
००००
नेपालले अफगानिस्तानलाई करीब १४ टन मानवीय सहायता सामग्री उपलब्ध गराएको छ । परराष्ट्र मन्त्रालयका सहसचिव सेवा लम्साल नेतृत्वको टोली काबुल पुगेर उक्त सामग्री हस्तान्तरण गरेको हो ।
००००
नेप्से २९ सय अंक नाघेको छ । साताको पहिलो दिन आइतवार ६९ अंकले शेयर बजार बढेर नेप्सेले २९२६.७४ अंकमा पुगेको हो । नेप्से बढेसँगै आइतवार ९ अर्ब ६७ करोड रूपैयाँको कारोबार भएको छ । बजार बढेका कारण सबै समूहका सूचकमा हरियाली देखिएको छ ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...