धनगढी, १६ असार– दोस्रो चरणको स्थानीय तहको मतगणना चलिरहँदा कैलालीमा नेकपा एमाले चार स्थानीय तहमा अगाडि देखिन्छ । नेकपा माओवादी केन्द्र र विजय गच्छदार नेतृत्वको लोकतान्त्रिक फोरम नेपाल समान तीन स्थानीय तहमा अगाडि हुँदा नेपाली कांग्रेस भने दुईवटा स्थानीय तहमा मात्रै अगाडि छ ।
जारी मतगणनाको पछिल्लो परिणाम अनुसार नेकपा एमाले गोदावरी नगरपालिका, वर्दगोरीया गाउँपालिका, चुरे गाउँपालिका र जानकी गाउँपालिकामा अगाडि छ ।
नेकपा माओवादी केन्द्र गौरीगंगा नगरपालिका, घोडाघोडी नगरपालिका र कैलारी गाउँपालिकामा अगाडि छ ।
विजय गच्छदार नेतृत्वको लोकतान्त्रिक फोरम लोकतान्त्रिक टीकापुर नगरपालिका, भजनी नगरपालिका र जोशीपुर गाउँपालिकामा अगाडि छ ।
नेपाली कांग्रेस भने धनगढी उपमहानगरपालिका र लम्की चुहा नगरपालिकामा अगाडि छ ।
जम्मा १३ वटा स्थानीय तह रहेको कैलालीमा अहिले १२ वटा स्थानीय तहमा मतगणना भइरहेको छ । मोहन्याल गाउँपालिकामा मतगणना सुरु हुन सकेको छैन ।
