अमेरिकाले युक्रेनलाई उपलब्ध गराएको घातक हतियारको पहिलो जत्था उक्त देश पुगेको छ । रुसले युक्रेनमाथि आक्रमण गर्न लागेको भन्दै अमेरिकाका राष्ट्रपति जो बाइडनले घातक हतियार पठाएका हुन् । 

शुक्रवार अबेर राति युक्रेनको राजधानी कीएभमा रहेको अमेरिकी दूतावासले ट्विटरमा एक मालवाहक विमानबाट हरियो रंगको क्रेटहरू झारिएको तस्वीर अप्लोड गरेको थियो । 

उक्त क्रेटहरूमा लगभग १०० टन घातक हतियार रहेको र युक्रेनका अग्रपंक्तिका प्रतिरक्षकहरूलाई दिइने दूतावासले बतायो । रुसको आक्रामकता बढिरहेको बेलामा युक्रेनको प्रतिरक्षालाई थप मजबूत बनाउन यो आपूर्ति गरिएको पनि दूतावासको दाबी छ । 

गत साताको आरम्भमा अमेरिकाले रुसमा बनेका एमआई–१७ ट्रान्सपोर्ट हेलिकप्टर कीएभलाई दिने घोषणा गरेको थियो । मस्कोसँग किनेर अफगान सरकारलाई दिन खोजिएको हेलिकप्टर तालिबानको विजयपछि कीएभलाई दिइएको हो । 

बेलायतले पनि युक्रेन सरकारलाई एन्टी ट्यांक क्षेप्यास्त्रहरू उपहारमा दिएको छ । अनि बाल्टिक राज्यका रक्षामन्त्रीहरूले पनि युक्रेनलाई स्टिंगर एयर डिफेन्स मिसाइलहरू आपूर्ति गर्न अमेरिकाबाट स्वीकृति पाएको बताएका छन् । 

जर्मनीका चान्सलर ओलाफ शोल्जले चाहिँ युक्रेनलाई कुनै पनि घातक हतियार आफ्नो मुलुकले उपलब्ध नगराउने मंगलवार स्पष्ट पारेका छन् ।

रुसले कुनै पनि बेलामा आक्रमण गर्न सक्ने भन्दै त्यसलाई रोक्न विदेशीहरूले युक्रेनलाई हतियार दिइरहेका हुन् । मस्कोले चाहिँ युक्रेनमाथि आक्रमणको योजना बनाएको भन्ने पश्चिमको अनुमान झूटो भएको बताउँदै आएको छ ।
 

The first shipment of assistance recently directed by President Biden to Ukraine arrived in Ukraine tonight. This shipment includes close to
200,000 pounds of lethal aid, including ammunition for the front line defenders of Ukraine. [1/2] pic.twitter.com/YeYanK0Px6

— U.S. Embassy Kyiv (@USEmbassyKyiv) January 22, 2022