१९ असार २०८३, शुक्रबार
चीनका एक परराष्ट्रनीति सल्लाहकारले सी चिनपिङ सरकारलाई चेतावनी दिएका छन् ।
पिपुल्स पोलिटिकल कन्सल्टेटिभ कन्फरेन्सका सदस्य च्या छिंग्वोनेले राष्ट्रिय सुरक्षामा गरिएको खर्च नै चीनको पतनको कारण बन्न सक्ने बताए । चीनको पतन सोभियत संघको जस्तै हुने आशंका पनि उनले गरे ।
लामो अवधिको सुरक्षा रणनीति बनाउनुको साटो सैन्य विस्तार गर्दा घाटा लाग्ने प्रमाण रहेको उनको भनाइ छ ।
सोभियत संघको पतनलाई देशभरिको कम्युनिस्ट स्कूलहरूमा प्रमुख पाठका रूपमा पढाइने गरेको छ । त्यस्तो पतन चीनको नहोस् भनी सचेतता अपनाउने गरिएको छ ।
पेकिङ विश्वविद्यालयमा अन्तर्राष्ट्रिय सम्बन्ध स्कूलका पूर्व डीन रहेका च्याले सुरक्षाको तुलनात्मक प्रकृतिलाई उपेक्षा गर्नु देशलाई कम सुरक्षित बनाउनु हो भने ।
चीनका अन्य नेताहरूले पनि सोभियत संघको पतनबाट अनुभव लिनुपर्ने बताउने गरेका छन् । सन् २०२१ मा सत्ता सम्हालेपछि सीले पनि पार्टीको अनुशासन तोडिँदा तत्कालीन सोभियत संघको दुई करोड सदस्य भएको बलियो कम्युनिस्ट पार्टीको पतन भएको स्मरण गरेका थिए ।
