१७ असार २०८३, बुधबार
भारतको लखनऊका युवा आयुष्मान सिंह लिङ्ग परिवर्तन गरेर युवती जोया बनिन् । लिङ्ग परिवर्तन गर्न उनले ७० हजार रुपैयाँ खर्च गरिन् ।
लिङ्ग परिवर्तनपछि जोया प्रेममा परिन् । प्रेमपछि सआदतगंज निवासी फैजानसँगै बस्न थालिन् जोया ।
प्रेमीसँग बसिरहेको अवस्थामा जोयाको हत्या भएको छ । सिसा प्रहार गरी उनको हत्या गरिएको भारतीय सञ्चारमाध्यमले जनाएका छन् ।
उनका प्रेमी फैजानविरुद्ध हत्या अभियोग दर्ता गरिएको छ । जोयाको कोठाभित्र हत्या गरिए पनि बाहिर तालाबन्द गरिएको थियो ।
प्रहरीको रोहवरमा ताला खोलिएपछि जोयाको शव रगतले लत्पतिएको अवस्थामा फेला परेको छ ।
