वीरगञ्ज भन्सार कार्यालयले बेरुजु रकम दाखिला नगर्ने १८६ कम्पनी र फर्मको कारोबार रोक्का गर्ने निर्णय गरेको छ ।

वीरगञ्ज  भन्सार  कार्यालयका  प्रमुख  भन्सार  अधिकृत  हरिहर पौडेलले लामो समयदेखि कारोबार गर्दै आएका १८६ कम्पनी र फर्मलाई विभिन्न  मितिमा  लिखित  र  मौखिक  रूपमा  बेरुजु  रकम  दाखिला  गर्न आग्रह गर्दा पनि वास्ता नगरेकाले त्यस्ता कम्पनी र फर्महरूको कारोबार रोक्का  गरिएको  जनाए ।

 कारोबार  रोक्का  भएपछि  हाल  विभिन्न फर्म र कम्पनीले बेरुजु रकम दाखिला गर्न आएको उनले बताए ।

उनले त्यस्ता कम्पनीले घटीमा ४० हजार र बढीमा ४० लाख रुपियाँसम्म बेरुजु फस्र्योट गर्न बाँकी रहेको बताए ।

केही  कम्पनीले  आर्थिक  वर्ष  २०६०/६१  देखि  बक्यौता  नतिरेकाले यस्ता  कम्पनी  र  फर्महरूबाट  लगभग  १७  करोड  रुपियाँभन्दा  बढी बक्यौता  लिनुपर्नेछ ।  

बेरुजु  रकम  दाखिला  नगर्ने  प्रमुख  कम्पनी  र फर्ममा  नेपाल  टेलिकम,  भ्याली  कोल्डस्टोर,  पतञ्जली  आयुर्वेद,  अर्किड इन्टरनेसनललगायतका कम्पनी रहेका छन् । गोरखापत्र दैनिकमा खबर छ ।