काठमाडौं, १८ असार – असार १४ गते भएको तीन प्रदेशका ३३४ स्थानीय तहको नतिजा आउने क्रम जारी रहेको छ ।
आइतबार बिहान पौने ९ बजेसम्म १६० स्थानीय तहको नतिजा आइसकेको छ । पहिलो चरणको निर्वाचनमा पहिलो स्थान हासिल गरेको एमाले दोस्रो चरणमा पनि सोहि लयमा देखिएको छ ।
एमालेले अहिलेसम्म ७७ स्थानमा विजयी हासिल गर्दै कांग्रेससँगको अग्रता फराकिलो पारेको छ । हालसम्म कांग्रेसले ५८ स्थानीय तह जितेको छ ।
कतिपयले दोस्रो चरणको निर्वाचनमा कांग्रेसको सुधारिएको नतिजा आउने विस्वास गरेको भएपनि एमाले नै अब्बल देखिएको हो ।
यता नेकपा माओवादी केन्द्र भने कमजोर देखिएको छ । उसले हालसम्म मात्र २२ स्थानमा जित दर्ता गरेको छ ।
यस्तै जनमोर्चाले २ र संघीय समाजवादी फोरमले १ स्थानमा जीत दर्ता गर्दा संसद चौथो ठूलो दल राप्रपाले भने एक स्थानमा पनि जित हासिल गरेको छैन ।
