भक्तपुर, १८ असार– भक्तपुरको मध्यपुर ठिमी नगरपालिका–३ स्थित वेलकम गेष्ट हाउसमा दुई जोडी आपत्तिजनक अवस्थामा पक्राउ परेका छन् ।
प्रहरीले चेकजाँच गर्ने क्रममा दुई जोडी आपत्तिजनक अवस्थामा फेला परेका हुन् । प्रहरीका अनुसार भक्तपुरका ५० वर्षीय पुरुष र काभ्रेकी ३० वर्षीया महिला आपत्तिजनक अवस्थामा पक्राउ परेका छन् ।
यस्तै भारत बिहारका ४२ वर्षीय पुरुष र काभ्रेकी २८ वर्षीया महिलाको जोडी पनि उक्त गेस्ट हाउसबाट आपत्तिजनक अवस्थामा पक्राउ परेका छन् ।
जिउ मास्ने बेच्ने तथा ओसारपसार नियन्त्रण जिल्ला समिति भक्तपुर र महानगरीय प्रहरी परिसर भक्तपुरको संयुक्त टोलीले शनिबार उनीहरुलाई गेष्ट हाउसकै कोठाबाट आपत्तिजनक अवस्थामा पक्राउ गरेको जनाइएको छ ।
