रक्तचन्दनको ठेक्का मिलाइदिन्छु भन्दै ७० लाख रूपैयाँ घुस लिएको आरोपमा वन अधिकृत विष्णुकान्त मिश्रविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दर्ता गरेको छ । 

आयोगका अनुसार जिल्ला वन कार्यालय रसुवाका तत्कालीन वन अधिकृत मिश्रले ठेक्का मिलाइदिन्छु भन्दै घुस लिएर फरार भएका थिए । 

उक्त घुस रकममध्ये मिश्रले ४० लाख रूपैयाँ उनको छोरा नवीनकुमारले बैंक खातामा जम्मा गरेको अनुसन्धानबाट खुलेको आयोगले जनाएको छ । 

मिश्रलाई घुस रकम उपलब्ध दिएर मिलेमतो गर्ने ग्याल्जेन एण्ड तामाङ प्रालि र रसुवा ट्रेडिङ कम्पनीका प्रोपराइटर लाक्पा ग्याल्जेन आफैंले २५ लाख रुपैयाँ घुस दिएको पुष्टि भएको आयोगको भनाइ छ । 

बाँकी अन्यबाट समेत ४५ लाख रूपैयाँ घुस लिएर मिश्र फरार थिए । लाक्पा ग्याल्जेनको भने मृत्यु भइसकेको छ ।