२६ जेठ २०८३, मंगलबार
राष्ट्रपति शैक्षिक सुधार कार्यक्रमका लागि जिल्लाका ७४ विद्यालय छनोट भएका छन् ।
चालू आर्थिक वर्षमा सिफारिस भएका ३५६ विद्यालयमध्ये ७४ सार्वजनिक विद्यालय छनोट भएका शिक्षा विकास तथा समन्वय इकाईका प्रमुख नरेन्द्र अवस्थीले जानकारी दिए ।
छानिएका विद्यालयमध्ये आईसीटी ल्याब व्यवस्थापन ३३, २ कोठे भवन ३२, ४ कोठे भवन ८ र १ प्राविधिक ल्याब निर्माण गरिनेछन् । जसमध्ये पाटन नगरपालिकामा सबैभन्दा बढी विद्यालय भवन निर्माण हुने भएका छन् ।
दोगडाकेदार गाउँपालिकामा २ विद्यालयको ४ कोठे भवन, ४ विद्यालयको २ कोठे भवन र ३ विद्यालयमा आईसीटी व्यवस्थापन तथा सिगास गाउँपालिकाको ७ विद्यालयमा २ कोठे भवन र २ विद्यालयमा आईसीटी ल्याबको व्यवस्था गरिने इकाईले जनाएको छ ।
पुर्चौडी नगरपालिकाको १ विद्यालयको ४ कोठे भवन, १ विद्यालयको २ कोठे भवन र ६ विद्यालयमा आईसीटी ल्याबको व्यवस्था गरिने भएको छ । दशरथचन्द नगरपालिकाको १ विद्यालयमा ४ कोठे भवन, २ विद्यालयमा २ कोठे भवन, ४ विद्यालयमा आईसीटीको व्यवस्था गरिने भएको छ ।
मेलौली नगरपालिकाको ७ विद्यालयमा ४ कोठे र २ कोठे भवन, ४ आईसीटी ल्याब, १ प्राविधिक ल्याब बनाइने भएको छ भने डिलाशैनी गाउँपालिकाको १ विद्यालयमा ४ कोठे भवन, २ विद्यालयमा २ कोठे भवन र ३ विद्यालयमा आईसीटी ल्याब निर्माण गरिने भएको भने शिवनाथ गाउँपालिकाको ४ विद्यालयमा २ कोठे भवन र ३ आईसीटी ल्याब निर्माण गरिने जनाइएको छ ।
