२९ जेठ २०८३, शुक्रबार
सरकारले बेमौसमी वर्षाका कारण धानबालीमा क्षति पुगेका किसानलाई राहत उपलब्ध गराउने निर्णय गरेको छ ।
गृह मन्त्रालयका अनुसार यसअघि धानबालीमा क्षति पुगेका किसानहरूलाई राहत उपलब्ध गराउनेसम्बन्धी मापदण्ड, २०७८ स्वीकृत गरिएको थियो ।
गत असोज ३१ देखि कात्तिक ३ गतेसम्म देशका विभिन्न भूभागमा वर्षाका कारण धानबालीमा क्षति पुग्दा किसान प्रभावित भएका थिए ।
अर्थ मन्त्रालयले किसानलाई राहत रकम उपलब्ध गराउने मापदण्ड, २०७८ बमोजिम राहत उपलब्धस्वरूप एक अर्ब रुपियाँ निकासा गरेको थियो ।
गृह सचिव टेकनारायण पाण्डेको अध्यक्षतामा कृषि तथा पशुपन्छी विकास मन्त्रालयका सचिवसहितको बैठकले अर्थ मन्त्रालयले गरेको निर्णयमध्ये ८५ करोड चार लाख रुपियाँ जिल्ला विपत् व्यवस्थापनमार्फत उपलब्ध गराउने निर्णय गरेको छ । गोरखापत्र दैनिकमा खबर छ ।
