पछिल्लो २४ घण्टामा ४७६ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार ९ हजार ४२४ नमूना परीक्षणमध्ये २९९ पीसीआर र १७७ जनामा एन्टिजेन पोजिटिभ देखिएको हो । 

यस्तै पछिल्लो २४ घण्टामा संक्रमणबाट ३ जनाको मृत्यु भएको छ । हालसम्मको मृत्यु संख्या ११ हजार ९२८ छ । 

मन्त्रालयका अनुसार थप ८३१ जना संक्रमणमुक्त भएका छन् । यससँगै हालसम्म कोरोना संक्रमणमुक्त हुनेहरूको संख्या ९ 

लाख ५३ हजार ४३० पुगेको छ । 

हाल मुलुकभर १० हजार ७४७ सक्रिय संक्रमित छन् ।