२३ जेठ २०८३, शनिबार
विवादको भुमरीमा परेको अमेरिकी आर्थिक सहयोग कार्यक्रम मिलेनियम च्यालेञ्ज कम्प्याक्ट (एमसीसी) सम्झौताबारे प्रतिनिधि सभामा बिहीवार छलफल हुँदैछ ।
संसद् भवन नयाँ बानेश्वरमा अहिले केहीबेरमा छलफल शुरू हुन लागेको हो ।
एमसीसी सम्झौतालाई विचार गरियोस् भन्ने निर्णायक प्रस्ताव भने आज पेश नहुने भएको छ ।
सवा १ बजे सकिएको कार्यव्यवस्था परामर्श समितिको बैठकले सैद्धान्तिक छलफल जारी राख्ने सहमति गरेको हो ।
विचार गरियोस् भन्ने प्रस्तावमा हुन्न भन्ने पक्षमा बहुमत देखिएमा यहीँ फेल भएको मानिन्छ ।
अर्को बैठक कहिले राख्ने भन्ने विषयमा सहमति जुटेको छैन ।
भोलि शुक्रवार नै अर्को बैठक राख्नेबारे छलफल चलिरहेको संसद् सचिवालयका एक अधिकारीले लोकान्तरलाई जानकारी दिए ।
