२४ जेठ २०८३, आइतबार
सत्ता साझेदार नेकपा (माओवादी केन्द्र)ले गठबन्धन बचाउन अन्तिम प्रयास गर्ने निर्णय गरेको छ ।
पार्टी अध्यक्ष पुष्पकमल दाहाल 'प्रचण्ड'को निवास खुमलटारमा बसेको पार्टी केन्द्रीय कार्यालयको विस्तारित बैठकले सत्ता गठबन्धन बचाउने विषयमा अन्तिम पहल गर्ने निर्णय गरेको हो ।
प्रमुख सत्तारुढ दल नेपाली कांग्रेसले प्रमुख प्रतिपक्षी नेकपा एमालेसँग संवाद बाक्लो बनाएका बेला माओवादीले एक चरण कांग्रेससँग छलफल गर्ने तयारी गरेको हो ।
बैठकले एमसीसीका सम्बन्धमा भने पूर्ववत् सैद्धान्तिक धारणामा यथावत रहने निर्णय गरेको प्रचण्डका स्वकीय सचिव रमेश मल्लले जानकारी दिएका छन् ।
माओवादीले यथास्थितिमा एमसीसीका पक्षमा मतदान नगर्ने निर्णय यसअघि नै गरिसकेको छ ।
