२९ जेठ २०८३, शुक्रबार
सिजन मिडियाद्वारा आयोजना गरिएको विवाहित महिलाहरूमा केन्द्रित 'लेट मि इन मिसेस ब्युटी क्वीन नेपाल'को पाचौं संस्करणका लागि २० जना सहभागी छनोट गरिएको छ ।
सिजन मिडियाको कार्यालय कमलादीमा छनोट प्रक्रिया सञ्चालन गरिएको थियो ।
छनोट भएका प्रतियोगीहरूलाई आइतवारबाट प्रशिक्षण प्रदान गरिने छ ।
प्रतियोगीहरूलाई प्रशिक्षणको क्रममा शारीरिक फिटनेश, जुम्बा ,एरोविक्स, र्याफ्टिङ, सेल्फ मेकअप, फोटो सेसन व्यक्तित्व विकाससम्बन्धी पनि प्रशिक्षण दिइने छ ।
विभिन्न सामाजिक संस्थाहरूको संस्थागत भ्रमण जस्तै, माइती नेपाल बाल आश्रम, वृद्धाश्रम आदि मिडिया भिजिट, कल्चरल भिजिट र हस्पिटालिटीसम्बन्धी जानकारी प्रदान पनि गराइने आयोजनकले जनाएको छ ।
