अख्तियार दुरुपयोग अनुसन्धान  आयोगले  बागलुङ  नगरपालिकाका  उपप्रमुख,   वडाध्यक्षसहित   आठ   जनाविरुद्ध   विशेष  अदालतमा  भ्रष्टाचार  मुद्दा  दायर  गरेको  छ  ।  

 उपभोक्ता  समितिका  अध्यक्षलगायतका  पदाधिकारी एवं नगरपालिकाका प्राविधिक प्रमुख, इन्जिनियर  र  सब–इन्जिनियर  समेतविरुद्ध  मुद्दा  दायर गरिएको हो ।आयोगका  सहायक  प्रवक्ता  वेदप्रसाद  भण्डारीले  बागलुङ  नगरपालिकाको  दाबगरा  बसपार्क  निर्माण  योजनामा  हिनामिना  भएको  अनुसन्धानबाट  खुलेको  बताए ।  

उक्त  योजनामा उपप्रमुख सुरेन्द्र खड्का, वडा नं. ४ का  वडाध्यक्ष  ध्रुवबहादुर  केसी  र  इन्जिनियर  मनोज  शर्मा  सदस्यसचिव  भएको  समितिले  गलत प्रतिवेदन तयार गरी फरफारकका लागि सिफारिस गरेकाले पाँच लाख ९० हजार ५०९ रुपियाँ बिगो माग दाबी लिई कारबाहीको माग गरेको आयोगले जनाएको छ ।

त्यसैगरी  प्राविधिक  प्रमुख  दयाराम  अधिकारी,  सब–इन्जिनियर  घनश्याम  रिजाल  र  इन्जिनियर  मनोज  शर्माले  फिल्डमा  नभए  नगरेका काम लगत अनुमानभन्दा बढी कुरा नापी किताबमा अस्वाभाविक रूपमा परिमाण परिवर्तन गरेको आयोगको अनुसन्धानबाट खुलेको छ । आयोगले तीनै जनामाथि पाँच लाख ९० हजार ५०९ रुपियाँको बिगो माग दाबी लिएको छ । गोरखापत्र दैनिकमा खबर छ ।