२३ असार २०८३, मंगलबार
सत्तारुढ पाँच दलको बैठक बस्दै छ।
एमसीसीबारे छलफल गर्न सत्ता गठबन्धनको बैठक बस्न लागेको हो।
आज बिहान १० बजे बोलाइएको बैठकमा एमसीसीबारे छलफल हुने प्रधानमन्त्रीको सचिवालयले जनाएको छ ।
एमसीसी परियोजनाको बारेमा पुरक प्रस्ताव अघि सारेर भए पनि यसलाई पारित गर्न नेकपा माओवादी केन्द्र र एकीकृत समाजवादी पार्टी तयार भएपछि सत्ता गठबन्धन दलको बैठकमा सहमति गर्न लागिएको जनाइएको छ ।
आजै प्रतिनिधि सभा बैठकमा एमसीसी छलफल गर्नका लागि दलहरू दौडधुपमा लागेका हुन् ।
