अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) पारित गर्ने प्रक्रियाबारे निर्णय गर्न प्रतिनिधि सभा कार्यव्यवस्था परामर्श समितिको बैठक शुरू भएको छ ।

प्रतिनिधि सभा बैठक दिउँसो १ बजेका लागि तय भएपनि कार्य व्यवस्थाको बैठक पौने ३ बजे मात्र शुरू भएको हो । नेकपा माओवादी केन्द्र र नेकपा एसको बैठकका कारण कार्यव्यवस्था बैठक बस्न ढिला भएको हो । 

आजै प्रतिनिधि सभाको दोस्रो बैठक समेत बसेर एमसीसी अनुमोदन गराउने सरकारको तयारी छ । पहिलो बैठकमा सैद्धान्तिक छलफल हुनेछ । दोस्रो बैठकबाट एमसीसी पारित हुनेछ ।

त्यसको प्रक्रियाबारे कार्य व्यवस्थामा छलफल हुँदैछ । सत्तारुढ गठबन्धनले व्याख्यात्मक प्रस्तावसहित एमसीसी संसदबाट पारित गर्ने निर्णय गरेका छन् ।