०८ साउन २०८३, शुक्रबार
युक्रेनमाथि रुसले गरेको आक्रमणमा परी कम्तीमा ६४ जना सर्वसाधारणको मृत्यु भएको संयुक्त राष्ट्रसंघको एक निकायले जनाएको छ ।
अनि १ लाख ६० हजारभन्दा बढी मानिस युक्रेनबाट पलायन भएको पनि उसले जानकारी दिएको छ ।
‘जनवरी २६ को अपराह्न ५ बजेसम्म कम्तीमा २४० जना हताहत भएको र कम्तीमा ६४ जना सर्वसाधारणको ज्यान गएको जानकारी छ,’ यूएन अफिस फर द कोअर्डिनेसन अफ ह्युमानिटेरियन अफेयर्सले जनाएको छ ।
मृतकको संख्या यसभन्दा बढी हुन सक्ने उसको भनाइ छ ।
नागरिक पूर्वाधार संरचनामा पुगेको क्षतिका कारण हजारौं मानिस बिजुली र पानीबाट वञ्चित भएका छन् । सयौं घरहरू क्षतिग्रस्त वा ध्वस्त भएका छन् । सडक र पुल बलमे ध्वस्त बनाएकाले केही समुदायहरू बजारमा पहुँचबाट वञ्चित भएका छन् ।
राष्ट्रसंघको शरणार्थी निकायले १ लाख ६० हजारभन्दा बढी मानिस आन्तरिक विस्थापित भएको अनि १ लाख १६ हजारभन्दा बढी मानिस छिमेकी मुलुकहरूतर्फ पलायन गर्न बाध्य भएको जानकारी दिएको छ ।
