संसदबाट अनुमोदन भएको अमेरिकी आर्थिक सहयोग अनुदान सम्झौतालाई मिलेनियम च्यालेन्ज कर्पोरेसन (एमसीसी)ले स्वीकार गरेको छ । 

संसद बैठकले आइतवार व्याख्यात्मक घोषणासहित एमसीसी अनुमोदन गरेको थियो । 

एमसीसीले यो सम्झौताको अनुमोदनले ५ वर्षे कार्यक्रमलाई कार्यान्वयन गर्ने दिशामा भइरहेको कामलाई जारी राख्न थप प्रेरित गरेको जनाएको छ । साथै परियोजनाले नेपालमा बिजुलीको थप भरपर्दो आपूर्ति, कम यातायात लागत र नेपाली जनताका लागि थप रोजगारी सिर्जना गर्न सहयोग पुर्‍याउने एमसीसीले विज्ञप्तिमा उल्लेख गरेको छ । 

एमसीसीको मूल्यांकन अनुसार यो परियोजनाले नेपालका झण्डै ८० प्रतिशत जनतालाई लाभ पुग्नेछ ।