०६ असार २०८३, शनिबार
नेपाल आयल निगमले पेट्रोलियम पदार्थको मूल्य वृद्धि गरेको छ ।
बिहीबार राति १२ बजेबाट लागू हुने गरी पेट्रोल, डिजेल र मट्टीतेलमा प्रतिलिटर पाँच रुपियाँ वृद्धि गरेको छ ।
आन्तरिक तथा बाह्य हवाई इन्धनको मूल्य पनि समायोजन गरिएको छ ।
नयाँ मूल्यअनुसार पेट्रोल अब प्रतिलिटर १५० रुपियाँ र डिजेल/मट्टीतेल प्रतिलिटर १३३ रुपियाँ कायम भएको छ ।
हवाई इन्धन आन्तरिक उडानतर्फ प्रतिलिटर १० रुपियाँले वृद्धि गरी १३६ रुपियाँ कायम गरिएको छ ।
अन्तर्राष्ट्रिय हवाई इन्धनतर्फ १०० अमेरिकी डलरले वृद्धि गरी प्रतिकिलोलिटर एक हजार २९५ डलर कायम गरिएको छ ।
एलपी ग्यासको मूल्य भने हाललाई यथावत् राखिएको छ । अन्तर्राष्ट्रिय बजारमा पेट्रोलियम पदार्थको मूल्य वृद्धि भएकाले नेपालमा पेट्रोलियम पदार्थको मूल्य वृद्धि भएको निगमले जनाएको छ ।
अन्तर्राष्ट्रिय बजारमा कच्चा तेलको मूल्य प्रतिब्यारेल ११९ अमेरिकी डलर पुगेको छ । मूल्य समायोजनपश्चात् पनि निगमलाई १५ दिनमा दुई अर्ब ५० करोड रुपियाँ घाटा रहेको निगमले जनाएको छ । गोरखापत्र दैनिकमा खबर छ ।
