२३ जेठ २०८३, शनिबार
बाह्र वर्षे जात्राको सन्दर्भमा पाटनको हरिसिद्धि नाच आगामी चैत २५ गते काठमाडौँको पशुपति क्षेत्रमा आउने भएको छ ।
कोरोना बढिरहेका कारण माघमा आउनुपर्ने हरिसिद्धि पशुपति क्षेत्र आउन सकेको थिएन ।
पशुपतिनाथका कोतवाल पूर्णनारायण जोशीका अनुसार पशुपति क्षेत्रमा हरिसिद्धि जात्राको व्यग्र प्रतीक्षा गरिएको छ ।
सरकारी पूजाका रूपमा अमालकोट कचहरी र पशुपति गुठी गोश्वारा कार्यालयले हरिसिद्धिको पूजा सम्पन्न गर्ने गर्छन् ।
जयवागेश्वरी तहविलका पचली नाइके विनोद वैद्यका अनुसार बिहीबार हरिसिद्धिको पर्वका लागि तयार भएको चैत्यमा प्राण प्रतिष्ठा हुँदै छ ।
दाता प्रेममाया डङ्गोलले सात लाख रुपियाँको लागतमा यो चैत्य स्थापना गरेका हुन् । गोरखापत्र दैनिकमा खबर छ ।
