०३ असार २०८३, बुधबार
नेकपा माओवादी केन्द्रका अध्यक्ष पुष्पकमल दाहाल प्रचण्डले अमेरिकी आर्थिक सहयोग कार्यक्रम एमसीसी पार्टीबाट अनुमोदन हुन नसके राजीनामा दिने बताएका छन् ।
आइतवार विराटनगरमा आयोजित पत्रकार सम्मेलनमा प्रचण्डले एमसीसी अनुमोदन हुन नसके राजीनामा दिने बताएका हुन् ।
पार्टीभित्र विवादमा परेको एमसीसीबारे छलफल गर्न माओवादीले जेठ २० गतेको लागि केन्द्रीय कमिटीको बैठक बोलाएको छ ।
‘एमसीसीको बारेमा हाम्रो विवाद बहस लामो समय चल्यो । सार्वभौम प्रतिनिधि सभाले पारित गरिसकेपछि एउटा सोलुसन निस्केको छ । हामीले स्थानीय तहको चुनावपछि यसबारे निर्णय गर्ने भनेका छौं,’ प्रचण्डले भने ।
पत्रकार सम्मेलनमा नेता नारायणकाजी श्रेष्ठ पनि सँगै थिए ।
