काठमाडौं, २३ असार– पूर्व राजा ज्ञानेन्द्र शाहलाई जन्मदिनको शुभकामना दिनेहरुको निर्मल निवासमा घुइँचो लागेको छ ।
आजबाट ७१ वर्षमा प्रवेशमा गरेका पूर्व राजालाई शुभकामना दिनका लागि उनका समर्थक, शुभेक्षुक निर्मल निवासमा विहानैदेखि भेला भएका थिए ।
विहान ११ बजको साइतबाट निर्मल निवासको चौरमा शुभकामना ग्रहण गर्न पूर्व राजा ज्ञानेन्द्र धर्मपत्नी कोमल शाह, नाती हृदयन्द्र, नातिनीहरुसहित उपस्थित भएका हुन् ।
निर्मल निवासको पटाङ्गिनीमा राखिएको मेचमा हसिलो मुद्रामा बसेका ज्ञानेन्द्रलाई शुभकामना दिनेहरु हातमा फूल, खादा लिएर लामबद्ध भएका छन् ।
उनको शुस्वास्थ्य र दीर्घायुको कामना गर्न भन्दै विभिन्न राजावादी समूह झाँकीसहित निर्मल निवास पुगेका छन् ।
तर आफ्ना वूवाको जन्मदिनको शुभकामना आदान प्रदान कार्यक्रममा पूर्व युवराज पारस शाह र उनकी पत्नी हिमानी शाह भने देखिएका छैनन् । ज्ञानेन्द्रलाई शुभकामना दिन आउने सर्वसाधारणले पारसको अनुपस्थितिबारे खासखुस गर्ने गरेका छन् ।
