२६ असार २०८३, शुक्रबार
७०औँ विश्व सुन्दरी प्रतियोगिताको उपाधि जितेकी २२ वर्षीया पोल्याण्ड कि क्यारोलिना बेइलावस्का व्यवस्थापन विषयमा स्नातकोत्तर अध्ययनरत छिन् ।
क्यारोलिनाको उचाइ १.७९ मिटर छ भने उनी मोडलसमेत हुन् । पौडी, स्कुवा ड्राइभिङ, टेनिस र ब्याडमिन्टन खेल्न रुचाउने क्यारोलिनाको मोटिभेसनल स्पिकर बन्ने लक्ष्य छ ।
आफ्नो पढाइसँगै क्यारोलिनाले घरबार नभएका र समस्यामा परेका मानिसलाई मद्दत गर्ने विभिन्न परियोजनामा पनि काम गर्दै आएकी छिन् । उनको यो परियोजनाको नाम जुपा ना पिट्रिनी हो ।
उनी समाजमा फैलिएका विकृतिविरुद्ध लड्छिन् र मानिसलाई यसबारे सचेत गराउँछिन् ।
उनको परियोजनाको उद्देश्य पोल्यान्डको लोड्ज सहरमा खाँचोमा परेका मानिसलाई खाना, लत्ताकपडा र आवश्यक सेवाहरू उपलब्ध गराउनु हो । ’
मिस वल्र्ड विजेताका रूपमा नाम घोषणा गरिएपछि क्यारोलिनले भनेकी थिइन्, 'म मेरो नाम सुन्दा आश्चर्यचकित भएँ । अहिले पनि विश्वास गर्न मुस्किल भइरहेको छ । म मिस वल्र्डको ताज जित्न सफल भएकोमा गर्व महसुस गर्छु र काममा फर्कन अधैर्य छु । यो क्षण मेरा लागि जीवनभर स्मरणीय रहिरहनेछ ।’ गोरखापत्र दैनिकमा खबर छ ।
