सिन्धुपाल्चोकको सुक्खाग्रस्त  क्षेत्रका  रूपमा  परिचित सुनकोसी  गाउँपालिका–१,  ठोकर्पामा शतप्रतिशत  घरमा  धारा  निर्माण  गरी देशकै  पहिलो  एक  घर,  एक  धारा भएको  वडा  घोषणा  गरिएको  छ ।

नेपाली  काँग्रेसको  केन्द्रीय  सदस्य मोहनबहादुर    बस्नेतले    धाराको उद्घाटन गरे । वडाका  ७८६  घरमा  मिटर जडित धारा निर्माण गरी चौबिसै घण्टा स्वच्छ  खानेपानी  उपलब्ध  गराइएको वडाध्यक्ष  नेत्र  कार्कीले  जानकारी दिए ।

२०७२ सालको भूकम्पपछि ठोकर्पालगायत सिन्धुपाल्चोकका सयौँ गाउँमा खानेपानी मुहान सुकेका थिए ।

२०७५  साल  जेठ  १५  मा  घरघरमा áधारा,  घरघरमा  पानी  अभियान  सुरु गरिएको थियो । सुनकोसी गाउँपालिकाका अध्यक्ष श्रवणकुमार जीसीले आफूले निर्वाचन जित्नुअघि ठोकर्पा, थुम्पाखरलगायतका वडाहरू  सुक्खा  ग्रस्त  रहेको  भन्दै अहिले  खानेपानी  समस्या  समाधान गर्दै  आएको  बताए ।   गोरखापत्र दैनिकमा चित्र मिजारले खबर लेखेका छन् ।