स्थानीय तहको निर्वाचनमा साना राजनीतिक दलहरूलाई आफ्नै चुनाव चिह्न दिने गरी निर्वाचन आयोगले निर्णय गरेको छ ।

आइतवार बसेको आयोगको बैठकले राष्ट्रिय मान्यता प्राप्त नगरेका दलहरूलाई पनि दल दर्ताको समयमा लिएको चुनाव चिह्नकै आधारमा चुनावमा प्रतिस्पर्धा गर्न दिने निर्णय गरेको आयोगका प्रवक्ता शालिग्राम शर्मा पौडेलले बताए ।

स्थानीय तह निर्वाचनका लागि ७९ दल दर्ता भएका थिए । राजनीतिक दलसम्बन्धी ऐनअनुसार राष्ट्रिय मान्यताप्राप्त दलले मात्र आफ्नै चुनाव चिह्न पाउने व्यवस्था छ । 

साना दलहरूले पनि आफ्नै चुनाव चिह्न पाउनुपर्ने माग गरेका थिए । निर्वाचन आयोगले कुन जिल्लाका कति दल दर्ता भएका छन् भन्ने विवरण माग गरेको थियो ।