पाकिस्तानी संसद् नेसनल असेम्बलीमा आइतवार ठूलो उलटफेर भएको छ । 

उपसभामुखले विदेशी षड्यन्त्रको आरोप लगाएर संविधानको धारा ५ लाई टेक्दै प्रधानमन्त्री इमरान खानविरुद्ध लगाइएको अविश्वासको प्रस्ताव खारेज गरिदिएका छन् । 

त्यसका साथै संसद् अप्रिल २५ सम्मका लागि स्थगित गरिएको छ । 

सभामुख असद कैसरले इमरान खानको पक्षमा फैसला गर्लान्् भनी विपक्षी दलहरूले उनका विरुद्ध पनि अविश्वास प्रस्तावको नोटिसि दिएको भए पनि उपसभामुखले इमरान खान सरकारलाई राहत दिलाएका छन् । 

यससँग राजधानी इस्लामाबादमा कर्फ्यु लगाइएको छ । 

आफूलाई अमेरिकाले पदबाट हटाउन खोजेको आरोप इमरान खानले लगाउँदै आएका छन् ।