२१ जेठ २०८३, बिहीबार
कश्मीरी हिन्दूहरूको नरसंहारका विषयमा बनाइएको फिल्म द कश्मीर फाइल्सले व्यापक सफलता पाएपछि निर्देशक विवेक रञ्जन अग्निहोत्रीले नयाँ फिल्मको घोषणा गरेका छन् ।
उनले अब द दिल्ली फाइल्स बनाउने भएका हुन् ।
त्यसको टीजर उनले सार्वजनिक गरेका छन् ।
द कश्मीर फाइल्सका निर्माता अभिषेक अग्रवालले यो फिल्मको पनि निर्माण गर्दैछन् ।
टीजरमा फेटा बाँधेको सानो पञ्जाबी बालकको छायाँ देखिएको छ । त्यसैले यस फिल्मले सन् १९८४ मा प्रधानमन्त्री इन्दिरा गान्धीको हत्यापछि दिल्लीमा सिख समुदायविरुद्ध गरिएको नरसंहारको कथा भन्ने अनुमान गर्न सकिन्छ ।
टीजरमा एक ओंकार सतनाम मन्त्रको उच्चारण गरेको सुनिन्छ । त्यो सिख धर्मावलम्बीहरूको पवित्र मन्त्र हो । त्यसपछि सैनिकहरूले बूट बजारेको ध्वनि सुनिन्छ । अनि गोली चलेको र बच्चा रोएको आवाज पनि सुनिन्छ ।
Trending all over SM platforms. #TheDelhiFiles - Right To Life. pic.twitter.com/LiCrUgw9do
— Vivek Ranjan Agnihotri (@vivekagnihotri) September 13, 2021
