नेपाली कांग्रेस केन्द्रीय कार्यसम्पादन समितिको बैठक आज शनिवार दिउँसो २ बजे बस्ने भएको छ । 

बैठकमा आसन्न स्थानीय चुनावका लागि महानगरपालिका र उपमहानगरपालिकाका प्रमुख र उपप्रमुखका उम्मेदवार सम्बन्धी प्रस्तावबारे छलफल गरिने कांग्रेस मुख्यसचिव कृष्णप्रसाद पौडेलले बताएका छन् ।

पार्टीको केन्द्रीय कार्यालय सानेपामा बस्ने बैठकमा केन्द्रीय कार्यसम्पादन समितिका पदाधिकारी र सदस्यलाई अनिवार्य उपस्थिति हुन सूचित गरिएको छ ।